तुमचंही आहे HDFC बँकेत खातं? ग्राहकांसाठी बंद होतेय ही महत्त्वाची सेवा

25 जून 2024 पासून 100 रुपयांपेक्षा कमी यूपीआय ट्रान्झॅक्शन आणि 500 रुपयांपेक्षा कमी डिपॉझिटसाठी एसएमएस अलर्ट न पाठवण्याचा निर्णय बँकेकडून घेण्यात आला आहे. ईमेल द्वारे नोटिफिकेशन ग्राहकांना मिळतील मात्र एसएमएस पाठवला जाणार नाही. ईमेल नोटिफिकेशनसाठी ग्राहकांनी आपला ईमेल आयडी अपडेट करावा अशी सूचनाही बँकेकडून करण्यात आली आहे.

तुमचं एचडीएफसी बँकेत खातं असेल आणि तुमचा ईमेल आयडी बँक खात्याला जोडलेला नसेल तर तो अपडेट करुन तुम्ही ईमेल नोटिफिकेशन प्राप्त करु शकता. त्यासाठी ग्राहकांनी बँकेच्या अधिकृत वेबसाईटवर जावं आणि ईमेल आयडी अपडेट करावा, असं बँकेकडून कळवण्यात आलं आहे. ईमेल आयडी अपडेट करण्यासाठी सर्वात आधी https://www.hdfcbank.com/ या वेबसाईटवर जा. त्यानंतर Insta Service ऑप्शन वर क्लिक करा. आता मेनूवर स्क्रोल डाउन करत Update Email ID हा ऑप्शन निवडा. तिथे Let’s Begin वर क्लिक करा. आता बँक खात्याशी जोडलेला तुमचा मोबाईल नंबर टाईप करा. त्यानंतर जन्मतारीख, पॅन किंवा कस्टमर आयडी व्हेरिफाय करा. आता Get OTP वर क्लिक करा. मिळालेला OTP टाकून पुढे सांगितलेली प्रक्रिया करुन ईमेल आयडी अपडेट करा. यूपीआय ही एक रिअल टाईम पेमेंट सिस्टिम आहे. भारतात 2016 मध्ये तिचा वापर सुरु झाला. ही सिस्टिम नॅशनल पेमेंट कॉर्पोरेशन ऑफ इंडिया (NPCI) कडून संचालित केली जाते.

एचडीएफसी बँक ही खासगी क्षेत्रामधील एक महत्त्वाची बँक म्हणून ओळखली जाते. बँकेकडून ग्राहकांना नेट बँकिंग, फोन बँकिंगसारख्या महत्त्वाच्या सेवा दिल्या जातात.