किरकोळ दुकानदारांची भन्नाट आयडिया देणार मॉलला टक्कर, ग्राहकांना होणार फायदा

आजकाल कोणतीही वस्तू खरेदी करताना ग्राहकाच्या मनात सर्वप्रथम ऑनलाइन शॉपिंगचा विचार येतो. मग ती कोणतीही गोष्ट असो. घरात लागणाऱ्या साध्या साध्या किराणाच्या वस्तू देखील नागरिक एकतर ऑनलाईन मार्केटमधून विकत घेत आहेत. अन्यथा मॉल संस्कृतीला प्राधान्य देत आहेत. मॉलमध्ये विविध ऑफर्स आणि डिस्काउंट मिळतो म्हणून ग्राहकांचा ओढा तिकडे जास्त असतो. पण आपल्या जवळचा दुकानदार देखील आपल्याला तितक्याच प्रमाणात मदत करतो. अडचणीच्या वेळी तोच आपल्या सगळ्यात जवळचा असतो हे देखील ग्राहकांनी ओळखायला हवे असे मत कोल्हापुरातील किरकोळ दुकानदार असोसिएशनचे जेष्ठ मार्गदर्शक बबन महाजन यांनी व्यक्त केले.

दरम्यान, वाजवी भावात योग्य वस्तू मिळण्यासाठी ग्राहकाने देखील आवर्जून आपल्या जवळच्या किराणा दुकानदाराकडेच खरेदी करावी. असे आवाहन देखील किरकोळ दुकानदार असोसिएशनचे अध्यक्ष संदीप वीर यांच्याकडून करण्यात आले आहे.