SBI ने होम लोन केलं महाग! जुन्या ग्राहकांनाही व्याज द्यावं लागेल का? घ्या जाणून
- Published by:Mohini Vaishnav
Last Updated:
SBI Interest Rate Hike : ऑगस्टच्या चलनविषयक धोरणात रिझर्व्ह बँकेने (RBI) रेपो दर 5.5 टक्क्यांवर स्थिर ठेवला असताना SBI ने होम लोनवरील व्याजदर वाढवले आहेत. होम लोन नेहमीच क्रेडिट स्कोअरच्या आधारावर दिले जाते.
नवी दिल्ली : देशातील सर्वात मोठी बँक, स्टेट बँक ऑफ इंडिया (SBI) ने होम लोन दरात 25 बेसिस पॉइंट्स किंवा 0.25 टक्के वाढ केली आहे. बँकेने व्याजदरांच्या वरच्या बँडमध्ये ही वाढ केली आहे. त्यामुळे, याचा परिणाम जुन्या होम लोन ग्राहकांवर होणार नाही. कमी क्रेडिट स्कोअर असलेल्या लोकांना आता बँकेकडून कर्ज घेतल्यावर जास्त व्याज द्यावे लागेल. SBI चा व्याजदर आता 7.50 टक्के ते 8.70 टक्के दरम्यान आहे. वाढ करण्यापूर्वी, हा बँड 7.50 टक्के ते 8.45 टक्के दरम्यान होता.
ऑगस्टच्या पतधोरणात रिझर्व्ह बँक ऑफ इंडिया (RBI) ने रेपो रेट 5.5 टक्के स्थिर ठेवला असताना SBI ने गृहकर्जावरील व्याजदर वाढवले आहेत. होम लोन नेहमीच क्रेडिट स्कोअरच्या आधारावर दिले जातात. बँका ज्यांचा क्रेडिट स्कोअर चांगला असतो त्यांना कमी व्याजदराने कर्ज देतात. दुसरीकडे, जेव्हा क्रेडिट स्कोअर कमी असतो तेव्हा ते उलट असते. अशा परिस्थितीत, वाढलेल्या व्याजदरांचा परिणाम कमी क्रेडिट स्कोअर असलेल्यांवर जास्त होईल.
advertisement
होम लोनचे व्याजदर
इतर सार्वजनिक क्षेत्रातील बँका युनियन बँक ऑफ इंडिया, बँक ऑफ इंडिया, बँक ऑफ महाराष्ट्र आणि सेंट्रल बँक ऑफ इंडिया ग्राहकांना गृहकर्जावर 7.35 टक्के ते 10.10 टक्के व्याजदर देत आहेत. एसबीआयने गृहकर्जावरील व्याजदर वाढवल्यानंतर, इतर बँका त्याचे अनुसरण करू शकतात.
advertisement
एसबीआयने कर्ज स्वस्त होण्याची शक्यता वर्तवली होती
view commentsयापूर्वी, बँकेने एक रिपोर्ट प्रसिद्ध केला होता. ज्यामध्ये असे म्हटले होते की आरबीआयने रेपो दरात कपात केल्यामुळे होम लोन स्वस्त होतील. हा बदल प्रथम बाह्य बेंचमार्क लेंडिंग रेट (EBLR) शी जोडलेल्या कर्जांमध्ये जाणवेल, जो शेड्यूल्ड कमर्शियल बँकांनी (SCBs) दिलेल्या सर्व कर्जांपैकी सुमारे 60 टक्के आहे. तसेच, एसबीआयने इशारा दिला आहे की, कमी व्याजदरांमुळे कर्जदारांना फायदा होत असला तरी बँकांना त्यांच्या नफ्याच्या मार्जिनवर दबाव येऊ शकतो.
Location :
Mumbai,Maharashtra
First Published :
August 16, 2025 6:47 PM IST
