LIC सोबत जोडलेल्यांसाठी महत्त्वाची बातमी; कंपनी लवकरच घेणार मोठा निर्णय

मुंबई : लाईफ इन्शुरन्स कॉर्पोरेशन म्हणजेच एलआयसी ही देशातील सर्वांत मोठी आणि जुनी विमा कंपनी आहे. देशभरात त्यांचे कोट्यवधी पॉलिसी होल्डर्स आहेत. आता एलआयसीबाबत एक मोठी माहिती समोर आली आहे. एलआयसी देशातील मेट्रो शहरांमधील रिअल इस्टेट मालमत्ता विकण्याची तयारी करत आहे. या मालमत्तेच्या विक्रीतून एलआयसी सहा ते सात बिलियन डॉलर रक्कम उभी करण्याची योजना आखत आहे. यासाठी कंपनी आपले प्लॉट आणि कमर्शियल इमारती विकणार आहे. एलआयसीने मालमत्तेच्या विक्रीची प्रक्रिया सुरू करण्यासाठी इंटर्नल टीमला सूचना दिल्या आहेत. मिळालेल्या माहितीनुसार, एलआयसी मुंबईतील आपली मालमत्ता विकून या प्रक्रियेची सुरूवात करणार आहे.