Mutual Fund: पैसे गुंतवणाऱ्यांसाठी महत्त्वाची बातमी, 1 मार्चपासून बदलणार नियम

मुंबई: सिक्युरिटीज अँड एक्स्चेंज बोर्ड ऑफ इंडिया अर्थात सेबी या नियामक संस्थेने म्युच्युअल फंड्स आणि डीमॅट अकाउंट्सच्या नॉमिनीशी संबंधित असलेल्या नियमांमध्ये मोठे बदल केले आहेत. क्लेम करण्यात न आलेल्या असेट्सची संख्या कमी करणं आणि गुंतवणुकीच्या उत्तम व्यवस्थापनाला प्रोत्साहन देणं हा त्यामागचा उद्देश आहे. गुंतवणूकदाराचा मृत्यू झाल्यास किंवा तो आजारी पडल्यास या गोष्टींचा उपयोग होणार आहे. सेबीने असं म्हटलं आहे, की गुंतवणूकदार आता डीमॅट अकाउंट्स किंवा म्युच्युअल फंड पोर्टफोलिओमध्ये जास्तीत जास्त 10 व्यक्तींनाही नॉमिनी म्हणून नेमू शकतो. हा नियम एक मार्च 2025पासून लागू होणार आहे. याविषयी अधिक जाणून घेऊ या.