रेल्वेनं प्रवास करणाऱ्यांच्या खिशाला कात्री, आजपासून तिकीटाच्या दरात वाढ, इथे पाहा नवे दर

यामध्ये स्लीपर क्लास, एसी चेअर कार, एसी ३-टियर, एसी २-टियर आणि एसी फर्स्ट क्लास या सर्व श्रेणींचा समावेश आहे. तर, साध्या नॉन-एसी (बिगर उपनगरीय) प्रवासासाठी स्लीपर आणि फर्स्ट क्लाससाठी प्रति किलोमीटर १ पैसा वाढ करण्यात आली आहे. या सगळ्यात लोकल प्रवाशांना दिलासा मिळाला आहे. उपनगरीय रेल्वे (लोकल) सेवा आणि सीझन तिकिटांच्या दरात कोणताही बदल करण्यात आलेला नाही. त्यामुळे दररोज प्रवास करणाऱ्या नोकरदारांना मोठा दिलासा मिळाला आहे.

० ते २५० किमी, कोणतीही वाढ नाही

राजधानी, शताब्दी, दुरंतो, वंदे भारत, तेजस, हमसफर, अमृत भारत आणि नमो भारत रॅपिड रेल यांसारख्या प्रमुख गाड्यांच्या मूळ भाड्यात सुधारणा करण्यात आली असून आता या गाड्यांचा प्रवास महागणार आहे. रेल्वेने आपल्या तांत्रिक आणि प्रवासी सेवांमध्ये सुधारणा करण्यासाठी तसेच आधुनिक गाड्यांच्या देखभालीसाठी हा निर्णय घेतल्याचे समजते. मात्र, सलग दोनवेळा झालेल्या या वाढीमुळे लांब पल्ल्याचा प्रवास करणाऱ्या मध्यमवर्गीय कुटुंबांचे बजेट कोलमडण्याची शक्यता आहे. सुधारित दर आजपासूनच आरक्षण खिडक्या आणि ऑनलाइन बुकिंगवर लागू झाले आहेत.