Stock Market: शेअर बाजारात 4 वर्षानंतर असा दिवस उगवला; गुंतवणुकदारांनी एका दिवसात कमावले 16 लाख कोटी

मुंबई: भारत आणि पाकिस्तान यांच्यातील संघर्षविराम आणि सकारात्मक जागतिक संकेतांच्या पार्श्वभूमीवर भारतीय शेअर बाजारात सोमवारी जोरदार तेजी दिसून आली. १२ मे रोजी निफ्टीमध्ये गेल्या ३ वर्षांतील सर्वात मोठी इंट्रा-डे वाढ नोंदवली गेली. मिड-कॅप आणि स्मॉल-कॅप निर्देशांकांमध्ये ४% पेक्षा जास्त वाढ झाली. बीएसईच्या सर्व क्षेत्रीय निर्देशांकांमध्ये तेजी दिसून आली. आयटी इंडेक्समध्ये ५ वर्षांतील सर्वात मोठी इंट्रा-डे वाढ झाली. मेटल, रिॲल्टी आणि एनर्जी इंडेक्समध्ये मोठी तेजी दिसून आली. निफ्टी बँक आणि ऑटो इंडेक्स ३% पेक्षा जास्त वाढून बंद झाले. एफएमसीजी इंडेक्स सुमारे २.५% वाढून बंद झाला.