Iran Attack Saudi Arabia: सौदी अरेबियाच्या इमारतीवर इराणचा हल्ला, भारतीयाचा मृत्यू? दूतावासानं दिली मोठी अपडेट

रियाध: इस्रायल-अमेरिकेने इराणविरोधात युद्ध पुकारले असून दिवसेंदिवस संघर्षत तीव्र झाला आहे. युद्धाला ९ दिवस पूर्ण झाल्यानंतरही दोन्ही बाजूने जोरदार हल्ले सुरू आहेत. इराणने अमेरिका-इस्रायलची लष्करी तळे, रडार यंत्रणा असलेल्या आपल्या शेजारच्या देशांवर हल्ले केले आहेत. कतार, बहरिन, सौदी अरेबिया, संयुक्त अरब अमिराती आदी देशांमधील अमेरिकन तळावर इराणने हल्ले चढवले आहेत. सौदी अरेबियातील अल-खर्ज (Al-Kharj) शहरात एका निवासी इमारतीवर क्षेपणास्त्र (projectile) पडल्याने सामान्य नागरिकांना झळ बसली आहे. यामध्ये एका भारतीयाचा मृत्यू झाल्याचे सांगण्यात येत होते. मात्र, भारतीय दूतावासाने हे वृत्त फेटाळून लावले आहे.