शेअर मार्केटमध्ये हाहाकार! Investers च्या डोळ्यात पाणी, काही मिनिटांत बुडाले 6.64 लाख कोटी

मनी कंट्रोने दिलेल्या वृत्तानुसार सेंसेक्सवर फक्त दोन शेअर्सना किंचित वाढ झाली आहे. एकूणच पाहता, BSE वर लिस्टेड कंपन्यांचे मार्केट कॅप 6.64 लाख कोटी रुपयांनी घटले आहे, म्हणजेच गुंतवणूकदारांची संपत्ती 6.64 लाख कोटी रुपयांनी कमी झाली आहे. सध्या BSE Sensex 843.27 अंकांनी म्हणजेच 1.13% टक्क्यांनी घसरून 73769.16 वर आहे आणि Nifty 50 देखील 255.75 अंकांनी म्हणजेच 1.13% टक्क्यांनी घसरून 22289.30 वर आहे.

बाजारावर हा दबाव अमेरिकेचे अध्यक्ष डोनाल्ड ट्रम्प यांनी ठरवलेल्या टॅरिफ लागू होण्याच्या घोषणेने आला आहे, जी 4 मार्च आणि 2 एप्रिलपासून लागू होणार आहे. एका दिवस आधी म्हणजेच 27 फेब्रुवारी 2025 रोजी BSE वर लिस्टेड सर्व शेअर्सचे एकूण मार्केट कॅप 3,93,10,210.53 कोटी रुपये होते. आज 28 फेब्रुवारी 2025 रोजी बाजार उघडल्यावर हे घटून 3,86,46,106.34 कोटी रुपये झाले. याचा अर्थ गुंतवणूकदारांची संपत्ती 6,64,104.19 कोटी रुपयांनी घटली आहे.

मनी कंट्रोने दिलेल्या वृत्तानुसार सेंसेक्सवर फक्त एकच स्टॉक ग्रीन झोनमध्ये दिसत आहे, तो म्हणजे रिलायन्स आणि त्यामध्येही किरकोळ वाढ दिसत आहे. दुसरीकडे इंडसइंड बँक, M&M आणि टेक महिंद्रामध्ये मोठी घसरण झाली आहे. BSE वर आज 3263 शेअर्सची ट्रेडिंग होत आहे. त्यामध्ये 544 शेअर्स मजबूत आहेत, 2599 लाल रंगात आहेत आणि 120 शेअर्समध्ये कोणताही बदल नाही. त्याशिवाय 17 शेअर्स एक वर्षाच्या उच्च स्तरावर आहेत तर 590 शेअर्स एका वर्षाच्या निचल्या स्तरावर पोहोचले आहेत. 39 शेअर्स अपर सर्किटवर पोहोचले आणि 172 शेअर्स लोअर सर्किटवर आले आहेत.