BMC Mayor Election: बीएमसी महापौर निवडणुकीआधीच ठाकरेंना धक्का, शिंदेंच्या एका खेळीनं विरोधकांसह भाजपही चक्रावला! नेमकं काय घडलं

मुंबई: मुंबई महापालिकेच्या राजकारणात आज एक मोठी खळबळ उडाली आहे. मुंबई महापौर निवडणुकीआधीच शिवसेना ठाकरे गटाला मोठा धक्का बसला आहे. ठाकरेंच्या नेतृत्वातील शिवशक्ती आघाडीत फूट पडली आहे. एकनाथ शिंदे यांच्या खेळीने ठाकरे गटाला धक्का बसला असून भाजपही चितपट झाल्याची चर्चा सुरू झाली आहे.  राष्ट्रवादी काँग्रेस शरद पवार गटाचे मुंबईतील एकमेव नगरसेवक अजित रावराणे यांनी महाविकास आघाडीची साथ सोडून महायुतीला पाठिंबा जाहीर केला आहे. उपमुख्यमंत्री एकनाथ शिंदे यांच्याशी झालेल्या प्रदीर्घ चर्चेनंतर रावराणे यांनी हा निर्णय घेतल्याने, निवडणुकीच्या तोंडावर उद्धव ठाकरे यांच्या शिवसेनेला मुंबईत मोठा फटका बसला आहे.