10 रुपये किंमत, मोठी घसरण होत असलेल्या पेनी स्टॉकमध्ये 9 टक्क्यांची तेजी

भारतीय शेअर बाजारात नोव्हेंबर महिन्यात घसरण होत होती. त्या चित्रात डिसेंबर महिन्यात बदल झाला. पहिल्या आठवड्यात बाजारात सुधारणा झाली आणि गुंतवणूकदारांना दिलासा मिळाला; मात्र डिसेंबरच्या दुसऱ्या आठवड्यात तेजी आटोक्यात आली आहे. सोमवारी सेन्सेक्स-निफ्टी लाल रंगात बंद झाले होते. मंगळवारी ते सपाट बंद झाले होते. आज किरकोळ वाढीसह बंद झाले आहेत. काही शेअर्समध्ये तेजी राहिली. मिष्टान्न फूड्स या कंपनीच्या शेअर्समध्ये गेल्या तीन दिवसांपासून मोठी घसरण होत होती. हा एफएमसीजी सेक्टरमधला स्मॉलकॅप शेअर आहे. आजही सुरुवातीच्या कामकाजात हा शेअर 10 टक्के घसरणीनेच उघडला होता; मात्र नंतर त्यात वाढ नोंदवली गेली आहे.