या ५ स्टॉकमध्ये पैसा लावा आणि बिनधास्त राहा, बक्कळ कमावून देतील, तज्ज्ञांचा अंदाज

मुंबई : शेअर्समधून मिड टर्म किंवा लाँग टर्ममध्ये पैसे कमवायचे असतील, तर एखाद्या वाढत असलेल्या इंडस्ट्रीतल्या शेअर्समध्ये पैसे गुंतवण्याचा सर्वसाधारण सल्ला दिला जातो. त्यामुळे कदाचित नजीकच्या भविष्यात काही धक्के बसले, तरी मिड ते लाँग टर्मपर्यंत ठीकठाक रिटर्न मिळतो. मोतिलाल ओसवाल संस्थेचे म्हणणे आहे की इलेक्ट्रॉनिक इंडस्ट्रीमध्ये तेजी येण्याची अपेक्षा आहे. मोतिलाल ओसवाल वेल्थ मॅनेजमेंट या इन्व्हेस्टमेंट मॅनेजमेंट फर्मने दोन डिसेंबर रोजी एक पत्रक प्रसिद्ध केलं. त्यात असं म्हटलं आहे की इलेक्ट्रॉनिक मॅन्युफॅक्चरिंग इंडस्ट्री एका मोठ्या बदलाच्या उंबरठ्यावर उभी आहे. ही इंडस्ट्री 2023-30 या कालावधीत 26 टक्के सीएजीआर एवढ्या वेगाने विकसित होऊ शकेल आणि सात वर्षांत ही इंडस्ट्री 6 लाख कोटी रुपयांची होईल, असा त्यांचा अंदाज आहे.