ऊर्जा क्षेत्रातल्या शेअर्सला ५ टक्के अपर सर्किट, गुंतवणूकदारांना तब्बल ३ हजार टक्के रिटर्न मिळाले

सुझलॉन हा गुंतवणूकदारांमध्ये प्रसिद्ध असलेला स्टॉक आहे. दीर्घकालीन गुंतवणुकीचा विचार करता त्याने गुंतवणूकदारांना मोठा नफा दिला आहे. 2022 साली या कंपनीचा शेअर 9 रुपयांच्या पातळीवर व्यवहार करत होता. आता त्याचं मूल्य 66 रुपयांच्या वर गेलं आहे. ही वाढ 700 टक्क्यांहून अधिक आहे. पाच वर्षांच्या अवधीत या शेअरने 3100 टक्क्यांहून अधिक परतावा दिला आहे. असं असलं तरी, गेल्या वर्षभरात सुझलॉनच्या शेअरच्या कामगिरीत घसरण झाली असून, त्याने या काळात सुमारे 65 टक्के परतावा दिला आहे. तसंच, सहा महिन्यांच्या काळात त्यात 32 टक्के वाढ झाली आहे.

आज, सोमवारी (2 डिसेंबर) सुझलॉन एनर्जीचे शेअर 62.98 रुपये दरावरून पाच टक्क्यांच्या तेजीसह 66.12 रुपयांच्या पातळीवर पोहोचले. त्याचसोबत अन्य अनेक एनर्जी स्टॉक्समध्येही चांगली तेजी पाहायला मिळाली आहे. आयनॉक्स विंड कंपनीचे शेअर आज 8.5 टक्के वाढून 209.80 रुपयांच्या पातळीवर इंट्रा डे हाय ठरले. टोरेंट पॉवरच्या शेअरमध्ये सात टक्के तेजी नोंदवली गेली आहे. ते 1619.35 रुपयांच्या पातळीवर इंट्राडे हाय ठरले. त्याशिवाय गेल्या चार कामकाज दिवसांपासून अदानी ग्रीन एनर्जी कंपनीच्या शेअरमध्ये मोठी वाढ नोंदवली जात आहे. आज हे शेअर 9 टक्के वाढीसह 1445 रुपयांच्या पातळीवर पोहोचले.