पुढील आठवड्यात कसा असेल शेअर बाजाराचा कल? महत्त्वाची माहिती समोर

कोटक सिक्युरिटीजचे अमोल आठवले यांच्या मते, वीकली चार्टनुसार निफ्टीने तांत्रिकदृष्ट्या एक दीर्घ बिअरिश कँडल तयार केली आहे आणि डेली चार्टवर त्याने लोअर टॉप फॉर्मेशन केलं आहे. ही गोष्ट काही अंशी नकारात्मक आहे. सध्या बाजाराची स्थिती कमकुवत असून तो ओव्हरसोल्ड देखील आहे. आता पोझिशनल ट्रेडर्ससाठी 200 डे एसएएम अर्थात 23500/77400 (सिंपल मूव्हिंग ॲव्हरेज) एक मोठा सपोर्ट झोन म्हणून काम करेल. हा वरील बाजूला कायम राहिल्यास आपल्याला निफ्टीत एक पूल बॅक रॅली पाहायला मिळू शकते. या रॅलीमुळे बाजार 23,800-24,000/78,500-79,000 पर्यंत उसळू शकतो. तथापि 23,500/77400 च्या खाली घसरण वाढू शकते आणि 23,300-23,200/77000-76,000 पेक्षा खालची पातळी दिसू शकते.