Stock Market Crash: 1987 इतिहासाची पुनरावृत्ती, तज्ज्ञांना ज्याची भीती तेच घडलं, टेरिफने मार्केट हादरलं

2025 मध्ये पुन्हा तसाच धोका?

CNBC च्या 'मॅड मनी' शोचे होस्ट आणि हार्वर्ड लॉ ग्रॅज्युएट जिम क्रॅमर यांनी इशारा दिला आहे की, सोमवार, 7 एप्रिल रोजी जेव्हा बाजार खुलेल, तेव्हा परिस्थिती 1987 च्या ब्लॅक मंडे ठरणार का अशी स्थिती होती. जर डोनाल्ड ट्रम्प यांनी ग्लोबल ट्रेड वॉर शांत करण्यासाठी कोणतेही ठोस पाऊल उचलले नाही, तर बाजारात प्रचंड पडझड होऊ शकते. मार्केट बंद होताना काय स्थिती आहे त्यावर उद्याचा मूड देखील ठरू शकतो. त्यामुळे तज्ज्ञांना आजचा दिवस ब्लॅक मंडेसारखा ठरेल अशी भीती आहे.

शुक्रवारीची (4 एप्रिल) मोठी घसरण – COVID-19 नंतरची सर्वात मोठी

Dow Jones Industrial Average (DJIA): 5.50% नी घसरून 38,314.86 वर बंद

Nasdaq Composite: 5.82% नी घसरून 15,587.79 वर

S&P 500: सुमारे 6% नी घसरून 5,074.08 वर

या एका दिवसातच बाजारातून तब्बल 5 ट्रिलियन डॉलरहून अधिकची गुंतवणूक साफ झाली. ही गुंतवणूकदारांसाठी मोठी आर्थिक धक्का ठरली आहे.

1987 मध्ये काय घडलं होतं?

त्या दिवशी शेअर बाजारातील तंत्राधारित (algorithm-based) ट्रेडिंग, गुंतवणूकदारांमधील भीती आणि बाजारातील लिक्विडिटीची कमतरता यांसारख्या घटकांमुळे 3 दिवसांत मोठी घसरण झाली आणि शेवटच्या दिवशी 22% पेक्षा अधिक मार्केट कोसळले. यानंतरच "सर्किट ब्रेकर" सारख्या संरक्षणात्मक उपाययोजना आणल्या गेल्या.

7 एप्रिलला बाजारात पुन्हा असा ब्लॅक मंडे होईल की नाही, हे ट्रम्प यांच्या धोरणांवर आणि जागतिक आर्थिक वातावरणावर अवलंबून असेल. मात्र, तज्ज्ञांचा इशारा गंभीर असून, गुंतवणूकदारांनी सावध राहण्याची गरज आहे.