जर तुम्ही महिन्याला 500 रुपयांची SIP सुरू केली आणि ती 5 वर्षे चालवली, तर तुम्ही एकूण 30,000 रुपये गुंतवणूक कराल. सरासरी 12% वार्षिक रिटर्न्सनुसार तुम्हाला 11,243 रुपयांचा नफा मिळेल. 5 वर्षांनंतर तुमच्या हाती 41,243 रुपये येतील.

500 रुपये मासिक SIP सतत 10 वर्षे सुरू ठेवल्यास, एकूण गुंतवणूक 60,000 रुपये असेल. 12% परताव्याने तुम्हाला 56,170 रुपये नफा मिळेल, ज्यामुळे तुमच्याकडे 1,16,170 रुपये तुमच्या खात्यावर जमा होतील.

जर हीच SIP 20 वर्षे सुरू ठेवली, तर एकूण गुंतवणूक 1,20,000 रुपये होईल. 12% परताव्यामुळे तुम्हाला 3,79,574 रुपये नफा मिळेल. यामुळे 20 वर्षांनंतर तुमच्याकडे एकूण 4,99,574 रुपये जमा होतील.

25 वर्षांपर्यंत 500 रुपये मासिक SIP सुरू ठेवल्यास, तुम्ही एकूण 1,50,000 रुपये गुंतवाल. 12% वार्षिक परताव्यानुसार 7,98,818 रुपये नफा मिळेल. यामुळे तुमच्याकडे एकूण 9,48,818 रुपये होतील.

500 रुपये SIP 30 वर्षांसाठी ठेवली, तर तुमची गुंतवणूक फक्त 1,80,000 रुपये असेल. परंतु, 12% परताव्याने तुम्हाला 15,84,957 रुपये नफा मिळेल. त्यामुळे 30 वर्षांनंतर तुमच्याकडे एकूण 17,64,957 रुपये असतील.

सर्वात महत्त्वाचं म्हणजे 12 टक्के हे सर्वसाधारण उदाहरण म्हणून गृहित धरलं आहे. ज्या कंपनीचे म्युच्युअल फंड तुम्ही घेता त्या कंपनीची ग्रोथ चांगली असेल तर तुम्हाला 15,19 अगदी 30 ते 35 टक्क्यांपर्यंतसुद्धा काहीवेळा रिटर्न मिळतो. जर कंपनीचे तिमाही अहवाल चांगले नसतील तर मात्र तिथे 10 टक्क्यांने देखील तुम्हाला पैसे मिळू शकतात. फंडमध्ये पैसे गुंतवल्यानंतर तुमचे पैसे कुठे लागतात ते तुम्हाला दिसत नाहीत मात्र रिटर्न्स चांगले येतात. दुसरं महत्त्वाचं म्हणजे ब्रोकर्सचे पैसेही यामध्ये असतात. त्यामुळे फंड्सची माहिती घेऊनच गुंतवणूक करा. अंदाजे, सोशल मीडियावर रिल्स पाहून केलेली गुंतवणूक धोक्याची ठरू शकते.