Shamita Shetty : दुसऱ्यांदा प्रेमात पडली शमिता शेट्टी! एक्स बॉयफ्रेंड अजूनही बिग बॉसच्या घरातच अडकलाय

अभिनेत्री शिल्पा शेट्टीची बहीण अभिनेत्री शमिता शेट्टी सध्या चर्चेत आली आहे, याचं कारण म्हणजे ती आता दुसऱ्यांदा प्रेमात पडली आहे. नुकताच शमिताचा वाढदिवस झाला. या वाढदिवसाचे फोटो सोशल मीडियावर पोस्ट झाले आणि तिच्या नव्या रिलेशनचीही चर्चा होऊ लागली.

याचं कारण म्हणजे शमिताने त्या व्यक्तीसोबत रोमँटिक पोझ देत फोटो काढलेत. शिवाय त्या व्यक्तीनेही आय लव्ह यू म्हणत आणि लाल रंगाचं हार्ट इमोजी टाकत तिला वाढदिवसाच्या शुभेच्छा दिल्या आहेत. शमिताचं नाव ज्या व्यक्तीसोबत जोडलं जात आहे, ती आहे दीपेश शर्मा. तो ग्लॅमरस दुनियेतील असला तरी त्याचा पेशा थोडा वेगळा आहे. तो एक प्रसिद्ध टेक्नो आर्टिस्ट आहे.

दरम्यान शमिताचा याआधी 'बिग बॉस ओटीटी'मध्ये असताना प्रेमात पडली होती. तिचा एक्स बॉयफ्रेंड मराठी, तोसुद्धा एक अभिनेता. त्यांची जोडी शारा या नावाने प्रचंड गाजली. शमिता बिग बॉसमधून बाहेर येऊन तिनं पुढचं आयुष्य सुरू केल्याची चर्चा आहे, तर दुसरीकडे तिचा एक्स बॉयफ्रेंड मात्र अजूनही बिग बॉसच्या घरातच अडकला आहे.

शमिताचा एक्स बॉयफ्रेंड दुसरा तिसरा कुणी नाही तर अभिनेता राकेश बापट. जो आता बिग बॉस मराठीच्या सहाव्या सीझनचा स्पर्धक आहे.

शमिता आणि राकेश यांच्या ब्रेकअपसाठी राकेशची एक्स पत्नी आणि अभिनेत्री रिधि डोगराला सगळ्यांनी जबाबदार धरलं होतं. पण राकेश आणि रिधी दोघांनीही ट्रोलर्स हा आरोप धुडकावून लावला होता. मग शमिता आणि राकेशच्या ब्रेकअपचं कारण काय ते अजूनही समोर आलं नाही.