Shashi Tharoor Health Update: काल पडले, सकाळी ट्विट केलं नंतर डॉक्टरांच्या चेकअपमध्ये भलतंच निघालं

या व्हिडीओवर स्वत: शशी थरुर यांनी स्पष्टीकरण दिलं. त्यासोबत त्यांच्या प्रकृतीची अपडेटही दिली आहे. काल व्हिडीओ व्हायरल झाल्यानंतर त्यांना ज्यांनी ज्यांनी सावरलं त्या सगळ्यांचे ट्विट करुन आभार मानले आहेत. संसदेच्या पायऱ्या उतरताना एक पायरी चुकल्यामुळे मी थोडासा पडलो. अजूनही थोडं दुखत आहे, पण मला वाटत नाही की काही फ्रॅक्चर झालं आहे, फक्त घोट्याला मुरगळले आहे आणि काही बोटांना मार लागला आहे.

आशा आहे की दोन दिवसांत ठीक होईल. मी माझ्या घरातील ऑफिसमध्ये एका स्टूलवर पाय ठेवून दुपारी ४ ते संध्याकाळी ७:३० पर्यंत (दोन राजदूतांसह) अनेक बैठका घेतल्या. फ्रॅक्चर नाही याची खात्री करण्यासाठी उद्या एक्स-रे करून घेईन. काही ठिकाणी दुखत आहे, त्यात माझ्या दुखावलेल्या अहंकाराचाही समावेश आहे, असं त्यांनी बुधवारी रात्री उशिरा ट्विट करून माहिती दिली.

शशी थरुर जेव्हा सकाळी एक्स रे करुन आले तेव्हा मात्र जे ते काल बोलले होते तो सगळा त्यांचा भ्रम होता. एक्स रे मधून मात्र त्यांच्या पायाला दुखापत झाल्याचं समोर आलं. आज सकाळी केलेल्या एक्स-रेनंतर, डॉ. शशी थरूर यांच्या दुखापतीचे स्वरूप फ्रॅक्चर असल्याचे निश्चित झाले आहे. मनःस्थिती चांगली आहे आणि ते शक्य असेल त्याप्रमाणे संसदीय कामकाज व इतर कार्यक्रमांमध्ये सहभागी होत राहतील अशी माहिती देखील दिली आहे. त्यांच्या पायाला फ्रॅक्चर असल्याने प्लॅस्टर करण्यात आलं आहे. त्यांनी स्वत: फोटो शेअर करून याबाबत महत्त्वाची माहिती दिली.

दुसरीकडे शशी थरुर यांच्या मुलाचा कॉस्ट कटिंगदरम्यान अमेरिकेत जॉब गेल्याची माहिती मिळाली आहे. त्यांच्या मुलाला ईशान थरूर यांना काल तडकाफडकी नोकरीवरुन काढण्यात आलं.याबाबतची माहिती मुलाने ट्विट करून दिली आहे.