तरुणाने सुरू केला अनोखा व्यवसाय, आज महिन्याला करतोय 1 लाखांची उलाढाल, असं काय केलं?

प्रवीण गिरीष साका हे गेल्या 10 वर्षांपासून भातकुलीचा व्यवसाय करत आहेत. या भातकुलीच्या भांड्यामध्ये शंभर प्रकारच्या वेगवेगळ्या व्हरायटी उपलब्ध आहेत. काही समाजात हा भातकुलीच्या भांड्याचा सेट लग्नामध्ये दिला जातो. तर पद्मशाली समाजामध्ये दिवाळीमध्ये हा भातकुलीचा सेट मोठ्या प्रमाणात घेऊन जातात.

लहान मुलींना संसार उपयोगी साहित्याची माहिती व्हावी. कोणत्या भांड्याचा कशाप्रकारे वापरतो याची माहिती या भातकुलीच्या खेळणी भांड्यांमुळे मिळते. प्रवीण साका यांच्याजवळ भातकुलीच्या भांड्यांच्या सेटमध्ये स्टील भांडे आणि पितळी भांडे अशा दोन प्रकारचे सेट मिळते. एका सेटची किंमत 1500 रुपयांपासून ते 2500 हजार रुपयांपर्यंत आहे. या भातकुलीच्या भांड्यांना मागणी सोलापूर जिल्ह्यासह सांगली, मिरज, लातूर, बार्शी, हैद्राबाद, सिकंदराबाद पर्यंत आहे. तर या व्यवसायातून प्रवीण साका हे महिन्याला 1 लाख रुपयांची उलाढाल करत आहेत.