कोणे एके काळी बेकरीत घासली भांडी; आज देश-विदेशांत आहेत 50हून अधिक डोसा प्लाझा

मुंबई : तमिळनाडूतल्या प्रेम गणपती यांना त्यांच्या मित्राने महिना 1200 रुपये पगाराची नोकरी देण्याचं आश्वासन देऊन मुंबईत आणलं; मात्र रेल्वे स्टेशनवरच तो प्रेम गणपती यांच्याकडचे सारे पैसे घेऊन पळून गेला. अनोळखी शहर, अनोळखी भाषा आणि पुन्हा घरी जाण्यासाठी पैसेही नाहीत, अशी रीतीने प्रेम गणपती यांच्यापुढे खूपच समस्या होत्या. काही तास त्यांनी विचार करत रेल्वे स्टेशनवर काढले आणि पुन्हा घरी न जाण्याचा निर्णय घेतला. मुंबईच्या अनोळखी गल्ल्यांमध्ये आपलं भविष्य शोधण्याचा इरादा त्यांनी पक्का केला आणि त्यांच्या याच ठाम निश्चयाने त्यांच्या नशिबाची दारं उघडली. अर्थात, त्यांनी कठोर परिश्रमही केले. त्यातूनच ते आज प्रसिद्ध डोसा प्लाझा चेनचे मालक आहेत. कोणे एके काळी स्वतः धाब्यावर भांडी घासण्याचं काम केलेले प्रेम गणपती आज देश-विदेशात हजारो जणांना रोजगार देत आहेत.