भारताचे नशीब बदललं, सापडला जगातील सगळ्यात मोठा तेलसाठा; एका झटक्यात इंडिया थेट टॉपला, GDPच्या वेगाने चीन हादरला

नवी दिल्ली: सध्या भारताची अर्थव्यवस्था 5 ट्रिलियन डॉलरपर्यंत पोहोचण्याचा प्रयत्न करत आहे. पण अद्याप हे लक्ष्य गाठले गेलेले नाही. विविध अंदाजांनुसार, या स्तरावर पोहोचण्यासाठी अजून काही वर्षे लागतील. मात्र आता अशी एक बातमी समोर आली आहे, जी भारताचे भवितव्यच बदलू शकते. भारताची अर्थव्यवस्था फक्त 5 नव्हे तर थेट 20 ट्रिलियन डॉलरपर्यंत जाऊ शकते आणि हे साध्य होण्यासाठी फारसा वेळही लागणार नाही. याची संपूर्ण माहिती सरकारनेच दिली आहे. सरकारने सांगितले की, अंदमानच्या खोल समुद्रात हा खजिना सापडला आहे आणि तो मिळवण्यासाठी संशोधनासह समुद्राच्या तळातून त्याचे उत्खनन करण्याच्या तयारीला सुरुवात झाली आहे.