Loan घेणाऱ्या व्यक्तीचा मृत्यू झाल्यास बँक कोणाकडून कर्ज वसुल करते? घ्या जाणून

होम लोनच्या बाबतीत, कर्ज घेणाऱ्या व्यक्तीचा मृत्यू झाल्यास, बँक प्रथम सह-कर्जदाराशी संपर्क साधते. त्याला थकीत कर्जाची परतफेड करण्यास सांगते. जर कोणीही सह-कर्जदार उपस्थित नसेल, तर बँक कर्जाच्या जामीनदाराकडे किंवा परतफेडीसाठी कायदेशीर वारसाकडे वळते. जर व्यक्तीने कर्जाचा विमा काढला असेल, तर बँक विमा कंपनीला कर्ज भरण्यास सांगते. हे सर्व ऑप्शन उपलब्ध नसल्यास, बँक थकित कर्ज वसूल करण्यासाठी मालमत्तेचा लिलाव करण्यास मोकळी आहे.

कार लोनच्या कालावधीत कर्जदाराचा मृत्यू झाल्यास, बँक उर्वरित रक्कम वसूल करण्यासाठी कर्जदाराच्या कुटुंबाशी संपर्क साधते. कायदेशीर वारसाने उर्वरित कर्जाची रक्कम देण्यास नकार दिल्यास, बँकेला वाहन पुन्हा ताब्यात घेण्याचा आणि त्याचे नुकसान भरून काढण्यासाठी लिलावात विकण्याचा अधिकार आहे.

सुरक्षित कर्जाच्या विपरीत, असुरक्षित कर्जे, जसे की पसर्नल किंवा क्रेडिट कार्ड लोन, कर्जाच्या कालावधीत कर्जदाराचा मृत्यू झाल्यास, बँक थकित रकमेसाठी कायदेशीर वारस किंवा कुटुंबातील सदस्यांवर दबाव आणू शकत नाही. सह-कर्जदार उपस्थित असल्यास, बँक त्या व्यक्तीविरुद्ध वसुलीची कार्यवाही सुरू करू शकते. मात्र, सह-कर्जदार नसताना आणि कर्ज वसूल करण्याचे कोणतेही पर्यायी साधन नसताना, बँक या कर्जाचे नॉन-परफॉर्मिंग ॲसेट (NPA) मध्ये रुपांतर करते.