आठवडाभर मुलांपासून राहिली, भाड्याच्या घरात राहून घेतली ट्रेनिंग, आज घरबसल्या महिला करतेय चांगली कमाई

एक दिवशी त्यांना माहिती झाले की, पंजाबमध्ये एका ठिकाणी केक कसे बनवले जातात, याबाबत शिकवले जाते. त्यामुळे सपना यांनी आपल्या 2 लहान मुलांना आपल्या आईच्या घरी ठेवले आणि त्या केक बनवण्याच्या ट्रेनिंगसाठी निघून गेल्या. त्याठिकाणी 1 आठवडाभर भाड्याच्या घरात राहिल्या आणि त्यांनी केक बनवण्याची ट्रेनिंग घेतली. आता त्यांचा अनुभव वाढला आहे. त्यांना कोणत्याही प्रकारच्या केकचा फोटो दाखवून केक तयार करता येतो.

सपना यांनी सांगितले की, जेव्हा त्या ट्रेनिंग करुन घरी करनाल याठिकाणी परतल्या आणि त्यांनी पहिल्यांदा केक बनवला तेव्हा केक अजिबात चांगला बनला नाही. मात्र, त्यांना त्यांच्या कुटुंबीयांनी पाठिंबा दिला आणि त्यांची हिंमत वाढली. आज त्या बाजारातील कोणत्याही प्रकारचा केक आपल्या घरीच बनवून घेतात. तसेच इंस्टाग्राम पेजच्या माध्यमातून त्या लोकांपर्यंत केक पोहोचवत आहेत. त्यांना आता शेफ बनायचे आहे, असे त्यांनी सांगितले.