Success Story : कधी काळी मोलमजुरी केली, बचत गटाने पालटलं महिलांचं नशीब, महिन्याला 1 लाख कमाई

भडजी गावच्या महिलांनी त्यांचा राणी लक्ष्मीबाई महिला बचत गट 2014 साली सुरू केलेला आहे. या बचत गटामध्ये दहा महिला आहेत. या सुरुवातीला सर्व महिला मोलमजुरी करून त्यांचा उदरनिर्वाह करत होत्या. एकदा रत्ना पुसे आणि शारदा पुसे या दोघीजणी एकदा पंचायत समितीमध्ये एका कामानिमित्त गेल्या होत्या. त्या ठिकाणी गेल्यानंतर त्यांना काही महिला दिसल्या. त्या महिला बचत गटाच्या होत्या. या महिलांनी त्यांच्याकडे विचारपूस केली की बचत गट काय असतो, कशा पद्धतीने काम करतो आणि त्यानंतर घरी नंतर यांनी देखील ठरवले की आपण देखील बचत गट करूयात आणि त्यांनी 2014 साली बचत गटाची सुरुवात केली आहे.

त्यांनी कल्पतरू नावाने स्वतःचा चिक्कीचा एक ब्रँड तयार केला. सध्या आता वेगवेगळ्या प्रकारची चिक्की करून विक्री करतात. यामध्ये शेंगदाणा, राजगिरा, तीळ चिक्की, खोबऱ्याची चिक्की अशा वेगवेगळ्या प्रकारच्या चिक्की बनवून विक्री करतात. 120 रुपयांमध्ये राजगिरा चिक्की 250 ग्रॅम आहे , शंभर रुपयाला शेंगदाणा चिक्की 250 ग्रॅम आहे. याच्या माध्यमातून या महिला 1 लाखांपेक्षा जास्त उत्पन्न कमवतात.‎ विशेष म्हणजे मोलमजुरी करून त्यांना जेवढे उत्पन्न मिळत नव्हते तेवढे आता त्यांना मिळत आहे.