Mumbai News: 40 वर्षांची परंपरा, अवघ्या 10 रुपयांमध्ये मिळतंय घरगुती सामान; नाईक आजोबांचं खास दुकानं!
- Reported by:Bhavna Arvind Kamble
- local18
- Published by:Chetan Bodke
Last Updated:
दादरच्या नेहमीच गजबजलेल्या शिवाजी नाट्यमंदिर परिसरात एका छोट्याशा स्टॉलने चार दशकांहून अधिक काळ आपली ओळख जपली आहे. घरगुती वस्तूंची विक्री करणारे आत्माराम नाईक हे आजोबा साधेपणाने पण मनापासून व्यवसाय करत असल्यामुळे स्थानिक रहिवाशांचा त्यांच्यावर विशेष विश्वास आहे.
दादरच्या नेहमीच गजबजलेल्या शिवाजी नाट्यमंदिर परिसरात एका छोट्याशा स्टॉलने चार दशकांहून अधिक काळ आपली ओळख जपली आहे. घरगुती वस्तूंची विक्री करणारे आत्माराम नाईक हे आजोबा साधेपणाने पण मनापासून व्यवसाय करत असल्यामुळे स्थानिक रहिवाशांचा त्यांच्यावर विशेष विश्वास आहे. रोजच्या धकाधकीत त्यांच्या स्टॉलसमोर थोडा वेळ थांबून आपल्या गरजेच्या वस्तू घेणाऱ्या ग्राहकांची सततची रेलचेल दिवसभर दिसून येते.
नाईक यांच्या स्टॉलवर दैनंदिन जीवनात उपयोगी पडणाऱ्या वस्तू अतिशय परवडणाऱ्या दरात मिळतात. टूथब्रश पॅकर फक्त 50 रुपयांना तर विविध प्रकारचे ब्रश 50 ते 100 रुपयांत उपलब्ध आहेत. पाण्याची गाळणी 20 ते 30 रुपयांत तर जेवणाचे डबे आणि पाण्याच्या बॉटल्या 100 ते 250 रुपयांच्या किंमतीत मिळतात. हँड फॅन 50 रुपयांपासून मिळतो.
advertisement
याशिवाय काही खास आणि युनिक वस्तू ग्राहकांच्या विशेष पसंतीस उतरतात. पुरी किंवा पापड तळण्यासाठी उपयोगी पडणारा विशेष चमचा फक्त 50 रुपयांना मिळतो. लसूण बारीक करण्याचे छोटे यंत्रही 50 रुपयांत उपलब्ध आहे. विंडो ग्रील साफ करण्याची साधने, पाय घासणी आणि लाकडी फणी या वस्तू 50 ते 100 रुपयांच्या किमतीत मिळतात. शिवाय 10 रुपयांपासून 200– 300 रुपयांपर्यंतच्या किफायतशीर साहित्यामुळे प्रत्येक वर्गातील ग्राहक समाधानी राहतो.
advertisement
ग्राहकांशी नाईक आजोबा अगदी आपुलकीने संवाद साधतात. ग्राहकांशी जुळलेला हा जिव्हाळ्याचा संबंधच त्यांच्या स्टॉलचे वेगळेपण टिकवून आहे. दादरच्या धावपळीच्या जीवनात गेली 40 वर्षे सातत्याने सेवा देत असलेला हा स्टॉल आजही अनेकांसाठी गरजेचा विश्वासाचा आणि ओळखीचा ठिकाण म्हणून नावारूपाला आहे.
Location :
Mumbai,Maharashtra
First Published :
Nov 24, 2025 6:03 PM IST
मराठी बातम्या/मुंबई/
Mumbai News: 40 वर्षांची परंपरा, अवघ्या 10 रुपयांमध्ये मिळतंय घरगुती सामान; नाईक आजोबांचं खास दुकानं!
