Ajit Pawar: 'काय बावळटांचा बाजार लावलाय...' अजित पवार कमालीचे संतापले, मंत्रालयात घडला अजब प्रकार

त्याचं झालं असं की,  उपमुख्यमंत्री अजित पवार मंत्रालयातील त्यांच्या सहाव्या मजल्यावरील कार्यालयातील बैठका संपवून देवगिरी बंगल्यावर जाण्यासाठी निघाले होते. अजित पवार मंत्रालयाच्या मुख्य प्रवेशद्वारावर येताच त्यांची कार आणि सुरक्षा रक्षकांचा ताफा तयार नव्हता. त्यामुळे अजित पवार यांनी कार येण्याची प्रतीक्षा केली पण कार काही केल्या येत नव्हती. अजितदादा असं मंत्रालयाच्या प्रवेशद्वारावर ताटकळत उभे राहिले पाहून मंत्रालयातली हवशे-नवशे सेल्फी घेण्यासाठी गर्दी करू लागले. त्यामुळे अजितदादा आणखीनच वैतागले आणि त्यांनी सर्वांसमोरच सुरक्षारक्षक आणि स्विय सहाय्यकांना चांगलाच दम भरला.

मंत्रालय पायऱ्यावरच अजितदादांनी रागातच “काय बावळटांचा बाजार लावलाय, कुठे आहेत सगळे ? मी खाली आलोय हे देखील माहीत नाही का?” असं म्हणत अजितदादांनी सगळ्यांना चांगलंच खडसावलं.  त्यानंतर  दादांचे सुरक्षारक्षक पाय लावून मंत्रालय आवारात धावा धाव करत होते. हा सर्व तमाशा मंत्रालय आवारात तब्बल १० मिनिटं सुरू होता. पण अजितदादांची कार काही केल्या येत नव्हती.