Amit Thackeray : 'फाईव्ह स्टार हॉटेलच्या बंद दाराआड...', नगरसेवक बेपत्ता अन् अमित ठाकरेंची पोस्ट व्हायरल! व्यंगचित्र शेअर करत म्हणाले...

Amit Thackeray FB Post : अनेक महापालिकांमध्ये कोणत्याही एका पक्षाला स्पष्ट बहुमत न मिळाल्याने सत्तास्थापनेसाठी पक्षांकडून जोरदार हालचाली सुरू झाल्या आहेत. यामुळे काही ठिकाणी ‘घोडेबाजार’ होण्याचीही शक्यता वर्तवली जात आहे. अशातच आता कल्याण-डोंबिवली महानगरपालिका निवडणुकीत ठाकरे गटाचे चार नवनिर्वाचित नगरसेवक 'नॉट रिचेबल' झाल्याने राजकीय वर्तुळात मोठी खळबळ उडाली आहे. तर दुसरीकडे शिंदेंचे नगरसेवक ताज हॉटेलमध्ये असून त्यांचा मुक्काम आणखी आठ दिवस तिथंच राहण्याची शक्यता आहे. अशातच आता या संपूर्ण प्रकरणावर अमित ठाकरेंनी पोस्ट करत टीका केली आहे. यावेळी त्यांनी एक व्यंगचित्र देखील शेअर केलं.