Mumbai Shocking News : मेहंदी काढली आणि पुढच्याच क्षणी… चेंबूरमध्ये विद्यार्थिंनी सोबत घडला धक्कादायक प्रकार

घडलेल्या प्रकरणाची गंभीर दखल घेत उपशिक्षणाधिकारी आणि शिक्षण निरीक्षक डॉ. मुश्ताक शेख यांनी सोमवारीच शाळेला भेट देत संपूर्ण चौकशी केली. प्राथमिक चौकशीत काही विद्यार्थिनींना मेहंदी लावल्याने वर्गात प्रवेश नाकारल्याचे लक्षात आल्याने शिक्षण विभागाने शाळेला थेट नोटीस बजावली आहे. मेहंदीमुळे वर्गात बसू न देणे हे नियमबाह्य आणि विद्यार्थ्यांच्या हक्कांवर गदा आणणारे आहे,असे स्पष्ट नमूद करत शाळेला मंगळवारी लेखी खुलासा सादर करण्याचे आदेश देण्यात आले आहेत.

दरम्यान, शाळेने असा प्रकार घडल्याचे पूर्णपणे नाकारला आहे. शाळेच्या मुख्याध्यापिका यांनी माध्यमांशी बोलताना सांगितले, शाळेत असा कोणताही प्रसंग घडलेला नाही. विद्यार्थिनींना फक्त शिस्तीचे नियम पाळण्यास सांगितले. शिक्षण विभागाची नोटीस अद्याप आम्हाला मिळालेली नाही. मात्र, पालकांचे वेगळे दावे परिस्थिती आणखी गुंतागुंतीची करत आहेत.