फक्त 20 रुपयांत मेजवानी! मुंबईत इथं मिळतेय स्पेशल चायनीज भेळ; लोकांची तुफान गर्दी

पूर्वी केवळ 5 रुपयांना मिळणारी चायनीज भेळ आज 20  रुपयांपर्यंत पोहोचली असली, तरी तिची लोकप्रियता कमी झालेली नाही. उलट, वेळेनुसार या पदार्थात अनेक नवे प्रकार आले आहेत. ‘कदम स्नॅक्स कॉर्नरमध्ये' गरमागरम हॉट चायनीज भेळ खास पद्धतीने तयार केली जाते. किसलेला कोबी, भेळची शेव, सोया सॉस आणि चिली सॉस एकत्र करून कढईत मध्यम आचेवर गरम केले जाते. त्यानंतर त्यावर मयॉनीज आणि सेझवान सॉस घालून ही भेळ खवय्यांसमोर दिली जाते.