Diwali 2025 : दिवाळीत ड्रोन, फ्लाइंग कंदील उडवताय? मुंबई पोलिसांनी घेतला महत्त्वाचा हा निर्णय

मुंबई शहर आणि उपनगरांमध्ये दरवर्षी दिवाळीच्या काळात फटाक्यांची आतषबाजी, ड्रोन उडवणे आणि फ्लाइंग कंदील उडवण्याचे प्रकार मोठ्या प्रमाणावर घडतात. हे दिसायला सुंदर असले तरी त्यातून आगीचा धोका, घातपाताची शक्यता आणि काही वेळा विमानतळ परिसरात सुरक्षेचा प्रश्न निर्माण होतो. याच पार्श्वभूमीवर बृहन्मुंबई पोलीस आयुक्तालयाने मोठा निर्णय घेतला आहे.

ड्रोन, रिमोट कंट्रोल्ड मायक्रो-लाइट एअरक्राफ्ट, पॅराग्लायडर्स, पॅरा मोटर्स, हॉट एअर बलून, हॅण्ड ग्लायडर्स इत्यादींच्या उड्डाणांवर बंदी घालण्यात आली आहे.

अनेकदा फ्लाइंग कंदील उंचावर जाऊन इमारतींवर, झाडांवर किंवा विद्युत तारांवर अडकतात आणि त्यातून आग लागण्याचे प्रकार घडतात. काही वेळा हे कंदील विमानांच्या उड्डाणमार्गाजवळ पोहोचल्यास विमानसुरक्षेलाही धोका निर्माण होऊ शकतो.

मुंबई पोलिसांनी या कालावधीत विशेष पथके तयार केली असून, ड्रोन उडवणे किंवा फ्लाइंग कंदील विक्री करणाऱ्यांवर कडक कारवाई करण्याचे आदेश देण्यात आले आहेत.