Mumbai Local: मुंबईकर गणेशभक्तांसाठी खूशखबर, तिन्ही मार्गावर धावणार जादा गाड्या, पाहा वेळापत्रक

मुंबई: मुंबईकर गणेशभक्तांसाठी खूशखबर आहे. घरगुती आणि सात दिवसांच्या गणरायाच्या विसर्जनानंतर अनेकजण सार्वजनिक बाप्पांच्या दर्शनासाठी आणि देखावे पाहण्यासाठी बाहेर पडतात. त्यामुळे रस्त्यावर गर्दी होऊन वाहतूक कोंडी होते. याच पार्श्वभूमीवर मुंबईची जीवनवाहिनी मानल्या जाणाऱ्या लोकलच्या जादा फेऱ्या सोडण्यात येणार आहे. रेल्वे प्रशासनाने याबाबत निर्णय घेतला असून छत्रपती शिवाजी महाराज टर्मिनस आणि ठाणे / कल्याण या स्थानकांदरम्यान रात्रीच्या वेळेत 22 जादा तर पश्चिम रेल्वेवरही 12 जादा लोकल सोडण्यात येतील.