सण, उत्सवात घुंगरू कडीला विशेष मागणी, मुंबईतील या मार्केटमध्ये मिळते फक्त 50 रुपयात, VIDEO

मुंबई : श्रावण महिना सुरू झाल्यावर अनेक सण उत्सवांना सुरुवात होते. सण उत्सव म्हटल्यावर आरती, भजन, मंत्रोच्चार होतात. यामध्ये टाळ्या वाजताना घुंगरू कडीचा वापर केला जातो. हाताची टाळी वाजविताना घुंगरू आदळल्याने आपल्या वाहिन्या (नस) अजून जागृत होतात. टाळ्यांसोबत घुंगरांचा आवाज हा मन आणि वातावरण प्रसन्न करतो. त्यामुळे घुंगरू कडीचे विशेष महत्त्व सांगितले जाते. तर मग याच घुंगरू कडी मुंबईत एका ठिकाणी अगदी स्वस्त दरात मिळत आहेत.

मुंबईतील विले पार्ले मार्केटमध्ये घुंगरू कडी फक्त 50 ते 100 रुपयांना मिळत आहे. यामधे उत्कृष्ट प्रतीचे घुंगरू वापरले गेले आहेत. याचबाबत लोकल18 चा आढावा.

नेहमीच आपण टाळ, घंटी, ढोलक असे साहित्य देवांची पूजा किंवा आरती करताना वापरतो. आता सध्या मार्केट मध्ये याच वाद्यांना अजून संगीतमय करण्यासाठी घुंगरू कडीही वापरली जाते. या घुंगरू कडीचे वैशिष्ट असे की, याला आपण अगदी सहजरीत्या अंगठी प्रमाणे आपल्या हातांच्या बोटांमध्ये घालू शकतो आणि पूजा किंवा आरती चालू असताना, ज्याप्रमाणे आपण टाळी वाजवितो त्याचाच सोबत ह्या घुंगरू काडीचा आवाज ही त्या तालासोबत घुमतो.