पंडित नथुराम गोडसे विचाराचे लोक महाराष्ट्रात तोपर्यंत..., सदावर्तेंचा राज ठाकरेंना थेट इशारा

मत चोरी प्रकरणी ठाकरे गट आणि मनसेनं सत्या मोर्चाचं आयोजन केलं आहे. या मोर्चावर गुणरत्न सदावर्ते कमालीचे संतापले. त्यांनी राज ठाकरे यांच्यावर विखारी टीका केली.

'राज ठाकरे यांच्या मोर्चामुळे ज्यांना एक दिवसाची रोजंदारी मिळते ती मिळणार नाही. राज ठाकरे म्हणतात चोरी चोरी झाली आहे. मग राज ठाकरेंकडे वकील नाहीये का, ते कोर्टात जाणार नाही का, परंतु, मात्र हुल्लडबाजी सारखं बोलणं थांबवणार नाही. भारतरत्न डॉ बाबासाहेब आंबेडकर, पंडित नथुराम गोडसे यांच्या विचाराचे लोक महाराष्ट्रात आहे, तोपर्यंत राज ठाकरे यांचं काही चालणार नाही. त्यामुळे राज ठाकरे यांनी जास्त बोलू नये. एकनाथ शिंदे यांना लाडक्या बहिणींचा आशिर्वाद आहे. लाडक्या बहिणी जर घराबाहेर आल्या तर डोक्यावर केस राहणार नाही' असा इशाराच सदावर्तेंनी दिला.

'लोकशाहीमध्ये मोर्चा करण्याची मागणी सगळ्यांना आहे पण संस्थांना वेठीस धरण्याचं काम कुणीही करू नये. राज ठाकरे जे प्रकारे मागणी करत आहे. त्यांची मागणी ही गुन्हेगारी स्वरुपाची आहे.  एक राज ठाकरे म्हणताय, मुंबई ही आर्थिक राजधानी आहे. त्यांनी पुन्हा एकदा गुन्हेगारी विचार मांडले आहे. सुट्टी दिली नाहीतर बॉसच्या कानाखाली मारा, अशी हिंसक भाषा वापरत आहे. याला संविधानामध्ये थारा नाही, असंही सदावर्ते म्हणाले.