हवं तर मला फाशी द्या, मी मनुस्मृतीला विरोध करणारच; आव्हाडांनी भाजपला सुनावलं

अजित मांढरे, ठाणे : अभ्यासक्रमात मनुस्मृतीतील श्लोकांचा समावेश करण्याच्या विरोधात राष्ट्रवादी काँग्रेस शरद पवार गटाचे आमदार जितेंद्र आव्हाड यांनी महाडमध्ये मनुस्मृती दहन केलं. यावेळी त्यांनी डॉक्टर बाबासाहेब आंबेडकर यांचा फोटो असलेले पोस्टर फाडल्यानं वाद निर्माण झाला. या वादानंतर आव्हाड यांनी माफी मागितल्यानंतरही भाजपकडून राज्यभरात आंदोलन केलं जात आहे. जितेंद्र आव्हाड यांनी पुन्हा पत्रकार परिषद घेत या मुद्द्यावर स्पष्टीकरण दिलं. तसंच मला फाशी द्या अशा शब्दात संताप व्यक्त केला. मला फाशी द्या, मी मनुस्मृती आणि मनुवादी सनातनी प्रवृत्तीचा विरोध करतच राहणार असं आव्हाड म्हणालेय