आव्हाडांची भावना चांगली, मनुस्मृतीचा अभ्यासात चंचूप्रवेश नको, केसरकर...; भुजबळांनी दिला घरचा आहेर

लक्ष्मण घाटोळ, नाशिक : राष्ट्रीय शैक्षिणक धोरणानुसार राज्याच्या शालेय अभ्यासक्रमात मनुस्मृतीतील श्लोकाचा समावेश करण्याचा प्रस्ताव मांडण्यात आला आहे. याविरोधात राष्ट्रवादी काँग्रेस शरद पवार पक्षाचे आमदार जितेंद्र आव्हाड यांनी महाडमध्ये मनुस्मृती दहन केलं. त्यावेळी जितेंद्र आव्हाड यांनी बाबासाहेब आंबेडकर यांचा फोटो असलेलं पोस्टर फाडल्यानं नवा वाद उफाळून आला आहे. याविरोधात भाजपकडून राज्यभरात आंदोलन करण्यात येतंय. यावर राष्ट्रवादी काँग्रेसच्या अजित पवार गटाचे नेते छगन भुजबळ यांनी महायुतीतील घटक पक्षांनाच घरचा आहेर दिला आहे. भुजबळ म्हणाले की, मनुस्मृतीचा चंचू प्रवेश अभ्यासात नको. दीपक केसरकर याची भलाभण करतात मला विशेष वाटलं.