Shocking : मोबाईल पाहिला म्हणून पतीच हैवानी कृत्य; घरात पत्नी अन् मुलासोबत...; मुंबईतील संतापजनक घटना

मोबाइल पाहण्याच्या कारणावरून झालेल्या वादातून हा प्रकार समोर आला. या घटनेनंतर परिसरात भीतीचे वातावरण निर्माण झाले आहे. ज्यात रविवारी रात्री साधारण साडेनऊच्या सुमारास अंधेरी एमआयडीसी भागात ही घटना घडली. निता रावते (वय 48) या पती संतोष रावते (वय44) आणि दोन मुलांसह एका सोसायटीत राहतात. निता नोकरी करत असून संतोष सध्या बेरोजगार असल्याचे समजते. गेल्या काही दिवसांपासून दोघांमध्ये छोट्या कारणांवरून वाद सुरू होते.

रविवारी रात्री निता या घरी मोबाइल पाहत होत्या. यावरून संतोषने त्यांच्याशी वाद घातला. वाद वाढत गेला आणि रागाच्या भरात संतोषने कोयत्याने निता यांच्यावर वार केले. त्यात त्यांच्या हातांना, बोटांना आणि डोक्याला गंभीर दुखापत झाली. मध्ये पडलेल्या सात वर्षांच्या मुलालाही मारहाण झाली असून त्याच्या हाताला दुखापत झाली आहे.