MHADA Lottery 2025: अर्ज करा अन् घर मिळवा, म्हाडाची मुंबईकरांसाठी भन्नाट योजना, लॉटरीशिवाय मिळणार घर

मुंबई मंडळाने सध्या सुमारे 100 घरे ओळखली असून, या घरांच्या विक्रीसाठी पुढील 10 दिवसांत जाहिरात प्रसिद्ध करण्यात येणार आहे. त्यानंतर थेट विक्री प्रक्रियेला सुरुवात होईल. यामध्ये सर्वात विशेष बाब म्हणजे या घरांसाठी कोणतीही सोडत काढली जाणार नाही. जो पहिला अर्ज करेल आणि अनामत रक्कम भरेल, त्यालाच घराचे वाटप केले जाईल. म्हाडाने या प्रक्रियेत अनेक अटी शिथिल केल्या आहेत, त्यामुळे इच्छुकांना मोठा दिलासा मिळणार आहे.

म्हाडाच्या अधिकाऱ्यांनी सांगितले की, या नव्या ‘प्रथम प्राधान्य’ विक्री योजनेमुळे मुंबईतील रिक्त घरे लवकर विकली जातील आणि सामान्य मुंबईकरांना स्वमालकीच्या घराचे स्वप्न पूर्ण करण्याची संधी मिळेल.