आधी 'अजब' उड्डाणपूल, आता 'विचित्र' शौचालय; मिरा-भाईंदरमधील MMRDAच्या कारभाराची सगळीकडे चर्चा

भाईंदर (पूर्व) येथील आरएनपी पार्क परिसरात २००७ साली 'निर्मल भारत अभियान' अंतर्गत बांधण्यात आलेल्या सार्वजनिक शौचालयात चार स्टेनलेस स्टीलची शौचालयं एकमेकांना खेटून बसवण्यात आली आहेत. या शौचालयासाठी स्वतंत्र दरवाजे किंवा गोपनीयता राखणारे पार्टिशन्स नसल्याने हे शौचालय पुन्हा एकदा वादाच्या भोवरऱ्यात सापडले आहे. पालिकेच्या म्हणण्यानुसार ही लहान मुलांसाठीची सोय असली, तरी सार्वजनिक ठिकाणी गोपनीयता आणि स्वच्छतेचा अभाव असल्याची टीका नागरिक करत आहेत.

केवळ शौचालयच नव्हे, तर नुकताच चर्चेत आलेला मिरा रोड-भाईंदर उड्डाणपूलही इंजिनिअरिंगचा एक थट्टा नमुना ठरत आहे. ४-लेनने सुरू होणारा हा पूल अचानक मध्येच अरुंद होऊन २-लेनचा होतो. या 'बॉटलनेक' रचनेमुळे वाहतूक कोंडी आणि अपघातांचा धोका वाढला आहे. "हे कसले इंजिनिअरिंग?" असा संतप्त सवाल विचारत नागरिक प्रशासनाच्या नियोजनाची खिल्ली उडवत आहेत.