उद्धव दादूनंतर राज ठाकरेही धारावीसाठी मैदानात, मविआसह शिंदे सरकारला विचारला थेट सवाल

मुंबई, 18 डिसेंबर : धारावी पुनर्विकास प्रकल्पाच्या मुद्द्यावरून मविआने विशेषत: शिवसेना ठाकरे गटाने सरकारवर जोरदार टीका केलीय. धारावी पुनर्विकास प्रकल्प अदानींकडे दिल्याने त्याविरोधात शिवसेना ठाकरे गटाने मोर्चाही काढला. आता या मुद्द्यावरून मनसे अध्यक्ष राज ठाकरे यांनी शिवसेना उद्धव बाळासाहेब ठाकरे पक्षाला टोला लगावला आहे. महाविकास आघाडीला आज का जाग आली? सेटलमेंट नीट होत नाही म्हणून मोर्चा काढला का? असे प्रश्न राज ठाकरे यांनी विचारले आहेत. तसंच अदानींकडेच प्रकल्प का दिला असा प्रश्नही उपस्थित केला.