मनसे-एकनाथ शिंदे यांची शिवसेना एकत्र, बाळा नांदगावकर यांची पहिली प्रतिक्रिया

मुंबई : एकत्र आलोय ते एकत्रित राहण्यासाठी असा प्रचार महापालिका निवडणूक काळात उद्धव ठाकरे आणि राज ठाकरे यांच्या पक्षाकडून करण्यात आला. मात्र निवडणुकीचा निकाल लागताच दोन्ही पक्षांच्या वाटा वेगळ्या झाल्याचे दिसते. कल्याण डोंबिवलीत मनसेने एकनाथ शिंदे यांच्या नेतृत्वाखालील शिवसेनेला साथ देण्याचे जाहीर केले आहे. शिंदे-मनसेने एकत्र येऊन शिवशक्ती आघाडीची स्थापना केली आहे. दुसरीकडे शिंदेसेनेवर दबाव टाकून वाटाघाटीत बाजी मारण्याचे प्रयत्न भारतीय जनता पक्षाचे होते. मात्र मनसेने शिंदेसेनेचे हात बळकट केल्यामुळे भारतीय जनता पक्षाचा हिरमोड झाला आहे. स्थानिक राजकारण वेगवेगळी वळणे घेत असताना मनसेची याला मूकसंमती असल्याचे दिसते.