मुंबईत महायुतीत संघर्ष पेटला, भाजप पदाधिकाऱ्यांचा आक्रमक पवित्रा

महायुतीत पडलेली वादाची ठिणगी आता वणव्याचं रूप घेताना दिसतेय. प्रभाग क्रमांक 194 मध्ये शिवसेनेच्या समाधान सरवणकरांचा पराभवाचा झाला. भाजपच्या स्थानिक पदाधिकाऱ्यांनी जाणीवपूर्वक पराभव केल्याचा आरोप आरोप समाधान सरवणकर यांनी केला. शिवसेनेचे विधानसभा प्रमुख कुणाल वाडेकर यांनी भाजपमधील एका गटावर गद्दारीचा आरोप केलाय. प्रिया सरवणकर-गुरव यांच्याही विरोधात भाजपच्या एका गटानं काम केल्याचा दावा वाडेकर यांनी केला. तसेच त्यांनी काही व्हॉट्सअप चॅट्सही फेसबुकवर पोस्ट केले.

समाधान सरवणकरांनी केलेल्या आरोपांची भाजपनं गंभीर दखल घेतली. जाहीर वक्तव्य टाळण्याचा सल्ला भाजपकडून देण्यात आला. मात्र सोशल मीडियावर खोटी माहिती पसरवल्याचा दावा करत सायबर सेलकडे तक्रार करण्याचा पवित्रा भाजपनं घेतला. तसंच भाजपच्या अक्षता तेंडुलकरांनी काही रोखठोक मुद्दे मांडले. वॉर्ड क्रमांक191 मध्ये प्रिया सरवणकर-गुरव यांना भाजपची सगळी मतं पडली. विशाखा राऊत यांच्याकडे ही मतं वळली नाहीत. आगरबाजारच्या पुढे त्यांना शिवसेनेची मतं पडली नाहीत. भाजपवर खापर फोडू नका. समाधान सरवणकरांनी आकडेवारीचा अभ्यास करावा, असा टोला अक्षता तेंडुलकर यांनी लगावला.