Mumbai News : रहिवाशांना घराच्या खिडक्याही उघडता येईना; म्युझिकल रोडचा प्रयोग फसला?; BMC ने घेतला मोठा निर्णय

मुंबई शहरातील प्रसिद्द कोस्टल रोडवर हा उपक्रम 11 फेब्रुवारी रोजी सुरु करण्यात आलेला होता. ज्यात काही ठाराविक पट्ट्यावर जर 60 ते 70 किती प्रतितास वेगाने वाहन गेल्यास त्या ऑस्करविजेच्या जय हो गाण्याची धून ऐकू येते.

मुंबई महापालिका आयुक्तांकडे रोडवरील संगीत बंद करण्याची मागणी केलेली होती, ज्यात अतिशय गंभीर मुद्दे नागरिकांनी मांडले होते. मुख्य म्हणजे सकाळी 6 वाजल्यापासून ते मध्यरात्रीपर्यंत ही रस्त्यावरील जय हो ची धून वाजत असत. ज्यामुळे परिसरातील शांतता पूर्णपणे भंग होत होती. शिवाय त्यामुळे घराच्या खिडक्याही उघड्या पण ठेवता येत नव्हत्या. महत्त्वाचे म्हणजे त्या आवाजामुळे ज्येष्ठ नागरिक, रुग्ण आणि शालेय विद्यार्थ्यांच्या झोपेवर परिणाम होत होता अशा अनेक समस्या ज्यात नोंदवल्या होत्या.

कोस्टल रोडवरील संगीताबाबत तक्रारी आल्यानंतर बृहमुंबई महानगरपालिकेने दखल घेतली आणि पालिकेने संबंधित असलेल्या कंत्राटदाराला तसेच तांत्रिक सल्लागाराला या परिसरातील डेसिबल मोजण्याचे आदेश दिलेले आहेत. एवढेच नाही तर या परिसरातील नागरिकांनी कोणताही त्रास न होता हा प्रकल्प कसा सुरु राहिल किंवा अजून काय बदल करता येईल याबाबतचाही अभ्यास आता यात केला जात आहे.