पहिलं प्रेम जीवावर उठलं, ‘तो’ कोयता घेऊन कॉलेजला आला अन्..., मुंबईच्या घटनेनं खळबळ

मुलुंड परिसरात 25 मार्च रोजी सकाळी सुमारे 9 वाजता धक्कादायक घटना घडली. 16 वर्षीय विद्यार्थिनी मुलुंड पश्चिम येथील महाविद्यालयात आली होती. तेव्हा आशिष बनसोडे (वय 21) हा तरुण तेथे पोहोचला. दोन वर्षांपूर्वी संपलेल्या प्रेमसंबंधांमुळे तो संतप्त होता. विद्यार्थिनी त्याच्याशी बोलत नसल्याचा जाब विचारत त्याने अचानक कोयता काढून तिच्यावर हल्ला करण्याचा प्रयत्न केला.

दरम्यान, या प्रकरणात पोलिसांच्या कार्यपद्धतीवर प्रश्न उपस्थित करण्यात येत आहेत. आरोपी काही दिवसांपासून विद्यार्थिनीला त्रास देत होता व तिला धमक्या देत होता. भीतीपोटी तिने घटनेच्या आदल्या दिवशी बदलापूर पोलिसांकडे तक्रार केली होती. मात्र पोलिसांनी केवळ ‘एनसी’ नोंदवून पुढील कारवाई केली नाही. जर वेळीच कठोर पावले उचलली असती तर ही घटना टाळता आली असती असा आरोप विद्यार्थिनीच्या पालकांकडून करण्यात येत आहे.