थुंकीची पिचकारी पडली महागात, पश्चिम रेल्वेने वसूल केला 600000 रुपयांचा दंड!

रेल्वे स्टेशन आणि प्लॅटफॉर्म परिसरात पान आणि गुटखा खाऊन थुंकणाऱ्यांवर रेल्वे अधिनियमच्या कलम 198 अंतर्गत 200 ते 500 रुपयांपर्यंत आर्थिक दंडाची तरतूद आहे. सध्या त्यानुसार प्रवाशांकडून दंड आकारला जातो. आता पश्चिम रेल्वेने स्वच्छतेवर अधिक भर देण्याचे संकेत दिले आहेत. पश्चिम रेल्वेचे विभागीय व्यवस्थापक पंकज कुमार सिंग यांनी कारवाईची मोहीम अधिक तीव्र करण्याचा इशारा दिला आहे. तसेच कारवाईसाठी ‘क्लीन अप मार्शल’ सारखा पर्याय देखील स्वीकारण्याचा विचार सुरू असल्याचे सांगतिले.