Mumbai Local: मुंबईकर 4 दिवस लोकलचा खोळंबा होणार, का आणि कधी? जाणून घ्या वेळापत्रक

मुंबई: मुंबईकरांसाठी महत्त्वाची बातमी आहे. मध्य रेल्वे प्रशासनाने कर्जत यार्ड सुधारणा प्रकल्प हाती घेतला आहे. या अंतर्गत ओव्हरहेड इलेक्ट्रिक लाईनसह अभियांत्रिकी दुरुस्तीची कामे करण्यात येणार आहेत. या पार्श्वभूमीवर कर्जत स्टेशन परिसरात ट्राफिक आणि पॉवर ब्लॉक लागू करण्यात आला आहे. या ब्लॉकमुळे कर्जत आणि खोपोली मार्गावरील काही उपनगरीय गाड्यांच्या वेळापत्रकात बदल होणार असून काही गाड्या रद्द होतील. त्यामुळे प्रवाशांनी गैरसोय टाळण्यासाठी वेळापत्रक पाहणे गरजेचे आहे.