Mumbai News: मुंबईत ईदची सुट्टी 5 नव्हे 8 सप्टेंबरला, राज्यात कधी? सोमवारी काय बंद राहणार?

मुंबईसह उपनगर आणि जवळच्या शहरांत गणेशोत्सवाची धूम आहे. या ठिकाणी मोठ्या जल्लोषात गणेशोत्सव साजरा केला जातो. 6 सप्टेंबर रोजी अनंत चतुर्दशी असल्याने मोठ्या विसर्जन मिरवणुका निघणार आहेत. त्यामुळे ईद ए मिलादच्या सुट्टीत बदल करण्याची मागणी आमदार अमीन पटेल, रईस शेख आणि नसीम खान यांनी राज्य सरकारकडे केली होती. त्यानुसार गुरुवारी राज्य सरकारने या निर्णयात बदल करून 8 सप्टेंबर रोजी सुट्टी जाहीर केली.