हसिना माहिमकर, आरीफ शेख यांना लॉटरी, मनसेची संपूर्ण यादी जाहीर; मुंबईत कडवी टक्कर देण्यासाठी 53 शिलेदार

मुंबई : राज्यात महापालिका निवडणुका तोंडावर येऊन ठेपली आहे. आज निवडणूक अर्ज भरण्याचा शेवटचा दिवस होता. आगामी मुंबई महानगरपालिका निवडणुकीसाठी महाराष्ट्र नवनिर्माण सेनेने आपली कंबर कसली आहे. मनसेने अत्यंत सावध पवित्रा घेत 53 जागांवर निवडणूक लढविण्याचा निर्णय घेतला आहे. यासाठी मनसेकडून जोरदार मोर्चेबांधणी केली.  मनसेचे अध्यक्ष राज ठाकरे यांनी काल 37 उमेदवारांची पहिली अधिकृत यादी जाहीर केली,  मात्र उर्वरित नावांबाबत कमालीची गुप्तता पाळली जात होती. विरोधी पक्षांकडून होणारी फोडाफोडी आणि अंतर्गत बंडाळी टाळण्यासाठी राज ठाकरे सावध भूमिका घेत अखेर मनसे मुंबईची यादी जाहीर केली आहे.