मुंबईत ठाकरे बंधूंना मोठा धक्का, 7 शिवसैनिकांची बंडखोरी, कुठे कुठे मनधरणी करावी लागणार?

शिवसेना ठाकरे गट 163 जागा, मनसे 53 जागा लढवणार आहे. एबी फॉर्म वाटताना प्रचंड गुप्तता पाळण्यात आली होती. दरम्यान ठाकरे बंधूंच्या युतीमुळे मोठ्या प्रमाणात बंडखोरी आणि नाराजीनाट्य रंगले असून उद्धव ठाकरेंच्या 7 पदाधिकाऱ्यांनी बंडखोरी करत अपक्ष म्हणून अर्ज भरला आहे. तर मनसेच्या एका पदाधिकाऱ्याने अपक्ष म्हणून बंडखोरी केली आहे. या बंडखोरांचा मनस्ताप सर्वच पक्षांना झाला आहे. त्यासाठी आता या बंडोबांना थंडोबा करण्याची मोहीम सर्वच पक्षांनी सुरू केली आहे.

ठाकरेंच्या बंडखोरांना पक्षाच्या नेत्यांसमोर आणून त्यांची समजूत काढण्याचा प्रयत्न सुरू आहेत. जे बंडखोर शांत होत नाही, अशा बंडखोरांना नेमकं काय आश्वासनं दिली जाणार आहे हे पाहणे महत्तावाचे ठरणार आहे. तसेच जे बंडखोर आपला अपक्ष उमेदवारी अर्ज मागे घेणार नाहीत त्यांच्यावर पक्ष शिस्त भंगाची कारवाई करत थेट पक्षातून हकालपट्टी करणार का हे पाहणे देखील महत्त्वाचे ठरणार आहे. या सर्व बंडखोरांची मनधरणी करण्यासाठी पक्षांचे नेते सक्रिय झालेत. यात किती यशस्वी होणार हे येत्या 3 जानेवारी रोजी अर्ज मागे घेण्याच्या शेवटच्या दिवशी स्पष्ट होईल.