Health News : बापरे! साडेतीन वर्षांच्या मुलाच्या फुफ्फुसातून बाहेर काढला LED बल्ब, कोल्हापूरातील धक्कादायक घटना

या केसबाबत मत व्‍यक्‍त करत जसलोक हॉस्पिटलमधील थोरॅसिस सर्जन डॉ. विमेश राजपूत म्‍हणाले, "आम्‍ही ऑपरेट केलेली ही सर्वात दुर्मिळ केस होती. एलईडी बल्ब फुफ्फुसामध्‍ये खोलवर गेला होता आणि समकालीन उपचार पद्धती तो बल्‍ब बाहेर काढण्‍यामध्‍ये अयशस्‍वी ठरल्‍या. काळजीपूर्वक नियोजन केलेल्या मिनी थोरॅकोटॉमीसह आम्‍ही सुरक्षितपणे एलईडी बल्‍ब बाहेर काढला आणि मुलाला जीवनदान मिळाले." ईएनटी सर्जन डॉ. दिव्य प्रभात म्‍हणाल्‍या, "मुलांमध्ये अस्पष्ट आणि सतत दिसणाऱ्या श्‍वसनसंबंधित लक्षणाकडे कधीही दुर्लक्ष करू नये. यामुळे अनेकदा न्यूमोनिया किंवा इतर सामान्य आजारांमुळे अशा केसचे निदान होण्यास विलंब होतो. प्रगत इमेजिंगद्वारे लवकर निदान केल्यास परिणामांमध्ये लक्षणीय सुधारणा होऊ शकते आणि गुंतागूंत टाळता येऊ शकते."

या केसमधून मुलांमुधील गुंतागूंतीच्‍या श्‍वसनसंबंधित केसेसचे व्‍यवस्‍थापन करण्‍यामध्‍ये लवकर निदान, प्रगत इमेजिंग आणि स्‍पेशलिस्‍ट हस्‍तक्षेपाचे महत्त्व दिसून येते. या प्रकरणामुळे पुन्हा एकदा लहान मुलांच्या आरोग्यावरील प्रश्न उद्भवत आहे. लहान मुलं खेळत असताना आपला मुलगा काय खेळतोय? तो खेळत असताना कोणतीही गोष्ट तोंडात तर टाकत नाही ना? अशा अनेक मुद्द्यांकडे आई- वडिलांनी लक्ष द्यायला हवे. शिवाय लहान मुलं खेळत असताना त्यांना सहसा तरी गुळगुळीत खेळणं देणं टाळलं पाहिजे. आई- वडिलांनी या मुद्द्याकडे विशेष लक्ष द्यायला हवे.