Mumbai Pod Taxi : मुंबईकरांसाठी आनंदाची बातमी! पॉड टॅक्सी प्रकल्प महत्त्वाच्या टप्प्यावर; आता इथं होणार टर्मिनस

एमएमआरडीएच्या अधिकाऱ्यांनी दिलेल्या माहितीनुसार कुर्ला पोलिस वसाहतीतील सुमारे 6,800 चौरस मीटर जमीन या प्रकल्पासाठी वापरली जाणार आहे. सध्या या वसाहतीत 188 पोलिस कर्मचारी राहत असून त्यांच्याकडे प्रत्येकी सुमारे 180 चौरस फूट घर आहे. या जागेचा वापर पॉड टॅक्सी टर्मिनससाठी करण्यात येणार असल्याने एमएमआरडीएकडून या सर्व कर्मचाऱ्यांना प्रत्येकी 450 चौरस फूट आकाराची एकूण 1,024 नवी घरे देण्यात येणार आहेत. पोलिस विभागाची औपचारिक मंजुरी मिळाल्यानंतर या जागेचा विकासाचा आराखडा अंतिम केला जाईल.